ആമുഖം..

ഇത്ര നാളും ബ്ലോഗുലകത്തിൽ ഒരു വാനനിരീക്ഷക റോൾ ആയിരുന്നു എന്റേത് (നിങ്ങളുടെ ഭാഗ്യം!!). ഒരു വലിയ ബലൂണിൽ കയറി കാഴ്ച കണ്ട് പറന്നു നടന്നിരുന്ന ഞാനിതാ വീഴുന്നു താഴെ ബൂലോകത്തിലേക്ക്...

പാഷാണമൂഷികം എന്നത് ഒരു ദേശത്തെ പ്രതിനിധീകരിക്കുന്നു. ഒരു കുടുംബത്തെയും. പേരു സൂചിപ്പിക്കുന്നതുപോലെ കുഴപ്പം പിടിച്ച ഒരു തറവാടായിരുന്നില്ല പാഷാണമൂഷികം. മറിച്ച് ആ ദേശക്കാർ വളരെ ബഹുമാനത്തോടെ മനസ്സിൽ വച്ചാരാധിച്ചിരുന്ന വീരപുരുഷന്മാരുടെയും ധീരവനിതകളുടെയും ജന്മങ്ങൾക്ക് കാരണഭൂതമായ ഒന്നായിരുന്നു അത്.

ദേശക്കാരുടെ കണ്ണിലുണ്ണികളായ ആ പാഷാണമൂഷികരുടെ കഥകൾ എന്റേതായ ഭാഷയിൽ പറയാനുള്ള ഒരു എളിയ ശ്രമം...